Un Mundu Uní Ta Posibel?

NOS mundu ta na drèmpel di pas òf na rant di desaster? Ta parse ku tin motibu pa kere den tur dos opshon.

Di un banda, algun lider di mundu ta papia ku konfiansa di pas mundial komo un meta ku nan por logra. Pero kisas nan ta hasi esei pasobra e otro alternativanan ta muchu horibel pa sikiera pensa riba nan. Di otro banda, hopi hende ta sinti masha miedu ora nan pensa riba preguntanan manera: Kua nashonnan tin armanan di destrukshon masal? Nan lo tribi di usa nan? Kiko lo pasa si nan usa nan?

Historia ta mustra ku pa hopi tempu kaba rivalidat i prehuisio ta stroba kualke speransa pa union. I bes tras bes religion a hasi hopi kos pa lanta e kandelanan di konflikto en bes di paga nan. E periodista James A. Haught a skirbi: “Tur kos ku ta dividí hende por kousa hostilidat, i religion ta un di e kousanan mas grandi di divishon. Ounke hende generalmente ta kere ku religion por pone un persona bira un ‘bon’ hende, ta opvio tambe ku e por motivá algun hende pa kometé aktonan horendo.” E outor Steven Weinberg tin un punto di bista similar. El a skirbi: “Ta religion so por pone bon hende kometé malecho.”

Tin speransa ku nos mundu lo ser uní un dia? Sí. Pero manera nos lo mira, un mundu uní lo no ta resultado di esfuerso humano ni di religionnan ku hende a inventá.

[Komentario na página 3]

Mundu ta manera un granada ku ta kla pa eksplotá?