Nos Mester Tin Miedu di e Binida di Kristu?

KON bo ta imaginá ku e binida di Hesukristu lo ta? Bo ta mir’é komo un suseso ku lo nifiká kalamidat, angustia i kastigu pa humanidat? Òf bo ta spera ku lo e pone fin na tur nos problemanan? E binida di Kristu ta algu ku nos mester tin miedu di dje? Òf nos mester anhel’é?

Relashoná ku e binida di Kristu, Beibel ta bisa: “Mira, e ta bin ku e nubianan, i tur wowo lo mir’é, . . . i tur e tribunan di tera lo lamentá pa su motibu.” (Revelashon 1:7) E binida aki ta referí na Hesus su aparishon den futuro pa rekompensá e hustunan i kastigá e malbadonan.

En bes di tene miedu di dje, apòstel Juan a anhelá e binida di Kristu. Despues ku el a risibí e revelashon tokante su binimentu i tokante kiko esei lo nifiká pa tera, Juan a bisa den un orashon sinsero: “Bin, Señor Hesus.” (Revelashon 22:20) Pero pakiko “tur e tribunan di tera lo lamentá pa su motibu”? Den ki sentido “tur wowo” lo mir’é? Kiko e binida di Kristu lo logra? Kon nos fe den dje por benefisiá nos awor? E siguiente artíkulo lo kontestá e preguntanan aki.