Un Hues Por Ser Korigí?

SLADJANA, un Testigu di Yehova na Kroasia, mester a aparesé den korte pa algun asuntu finansiero. El a yega na tempu i a presentá dilanti un hues. Pero e kontrapartido tabata lat. Sladjana tabata ansioso pa papia tokante Beibel, pues miéntras tur hende tabata wardando, el a tuma un kurashi pa papia ku e hues.

El a puntr’é: “Señor Hues tabata sa ku pronto lo no tin hues ni korte riba tera?” Naturalmente e tabata refiriendo na e huesnan ku nos konosé awe.

Sorprendí, e hues a simplemente wak e, sin bisa niun pia di palabra. Nèt na e momento ei e kaso a kuminsá. Ora nan a kaba i Sladjana a lanta para pa firma un dokumento, e hues a lèn dilanti i puntr’é na bos abou: “Bo tin sigur di loke bo a kaba di bisa mi, esta, ku pronto lo no tin hues ni korte riba tera?”

“Sí, Señor Hues. Mi ta shen porshento sigur!” Sladjana a kontest’é.

“Ki prueba bo tin di esei?” e hues a puntr’é.

“Señor Hues por haña esei den Beibel,” Sladjana a kontest’é.

E hues a bis’é ku lo e tabatin gana di mira esei, pero ku e no tabatin un Beibel. E ora ei, Sladjana a ofres’é pa trese un p’e. E Testigunan a bishitá e hues, nan a dun’é un Beibel i a anim’é pa e tuma un estudio semanal di Beibel. E hues a aseptá e oferta i despues di poko tempu el a bira un Testigu di Yehova.

E profesia di Salmo 2:10 ta bisa: “P’esei anto, o reinan, usa sabiduria; aseptá spièrtamentu [“laga boso mes ser korigí,” NW], o huesnan di tera.” Ta masha konmovedor pa mira kon personanan humilde ta aseptá Yehova su guia amoroso!

[Plachi na página 32]

Sladjana huntu ku e hues