E Palu di Aña Nobo Ta un Tradishon Ruso? Ta un Tradishon Kristian?

“NA KUMINSAMENTU di añanan ’30 di siglo 18, ainda nan tabata papia di e palu semper bèrdè komo un ‘konsepto aleman atraktivo.’ Na fin di e dékada ei, el a ‘bira un kustumber’ den kas di e klase élite di St. Petersburg. . . . Ta e lidernan religioso i e kampesinonan so no a adoptá e kustumber di pone e palu semper bèrdè den nan kas den siglo 19. . . .

Promé ku esei, e palu . . . no tabata un palu hopi gustá. E echo ku a mir’é komo un símbolo di morto i su konekshon ku ‘e mundu di spiritu’ segun tradishon ruso, i tambe e tradishon di pone e palu riba dak di shap, tabata na kontraste ku e kambionan den aktitut ku a tuma lugá meimei di siglo 19. . . . Ta masha lógiko ku den e proseso di aseptashon, e tradishon stranhero lo a haña e mesun nifikashon ku a ser atribuí na e palu di Pasku den e mundu oksidental, ku su konekshon ku e tema di Pasku. . . .

E proseso di kristianisá e palu no a bai sin su difikultatnan na Rusia. El a haña oposishon di parti di Iglesia Òrtodòks. E miembronan di klero a mira den e selebrashon nobo un ‘akshon demoniako,’ un tradishon pagano, ku no tabatin nada di haber ku nasementu di e Salbadó. Es mas, e tabata un tradishon di e mundu oksidental.”—Profèser Yelena V. Dushechkina, doktor di siensia filológiko na e Universidat di Estado di St. Petersburg.

[Rekonosementu pa Potrèt na página 32]

Potrèt: Nikolai Rakhmanov