E Búskeda pa Mas Kos

“Si nunka nos no ta keda satisfecho, nunka nos lo no tin sufisiente.”—Un rapòrt di Worldwatch Institute.

“KIKO nos ke? Tur kos! Ki ora nos ke nan? Awor!” E lema aki tabata popular bou di algun studiante universitario durante dékada di 1960. Awe, kisas nos no ta tende presis e mesun palabranan aki, pero e idea básiko sí a keda. De echo, e búskeda pa mas kos ta aparentemente un karakterístika ku ta distinguí nos era.

Un di e metanan mas importante den bida di hopi hende ta pa haña rikesa i kos material. Eks-presidente merikano Jimmy Carter a yega di bisa: “No ta identifiká hende mas pa loke nan ta hasi, sino pa loke nan tin.” Pero, tin kos ku ta bal mas ku nos poseshonnan material? Si ta asina, kiko nan ta, i ki benefisio nan lo duna nos?