“Mi No Tabata Sa Mashá Tokante Dios”

“DURANTE e aña ku a pasa aki, Testigunan di Yehova a bishitá mi regularmente i a siña mi di e maravioso notisia tokante e Reino di Dios. Mi tabata katóliko pa ocho aña, pero mi no tabata sa mashá tokante Dios. Den esun aña aki, mi a siña hopi kos.” Asina un hòmber ku ta biba na Kerala, India, a skirbi. El a sigui bisa: “Mi ta masha kontentu ku E Toren di Vigilansia ta ser publiká den 139 [awor 146] idioma. Ta un kos asombroso ku hende di tur idioma ta haña sa e mensahe tokante Dios.”

Ounke hopi filósofo ta pretendé ku ta imposibel pa konosé Dios, apòstel Pablo a mustra bon kla ku esaki ta posibel. Papiando ku un grupo di habitante di Aténas, di kua algun tabata adorá na un altar dediká na “un Dios Deskonosí,” Pablo a bisa: “Loke boso ta adorá den ignoransia, esei mi ta proklamá na boso. E Dios ku a traha mundu i tur kos ku tin den dje . . . ta duna tur hende bida i rosea i tur kos; i for di ún sanger el a traha tur nashon di hende pa biba riba henter mundu.”—Echonan 17:23-26.

Pablo a stimulá su ouditorio pa buska pa konosé e Kreadó, pasobra “e no ta leu di kada un di nos.” (Echonan 17:27) Testigunan di Yehova gustosamente lo yuda bo siña konosé e Dios berdadero i su kualidatnan atraktivo.