‘Gradicí Testigonan di Jehova pa Libertad di Religion’

UN ARTÍCULO den e korant USA Today ta bisa: “Promé cu bo cera porta pa un Testigo di Jehova, para ketu i pensa riba e persecucion bergonsoso cu nan a pasa aden no muchu tempu pasá, i tambe riba e papel importante cu nan a hunga den logra libertadnan cu e Promé Enmienda (dje constitucion mericano) ta garantisá i cu nos tur ta disfrutá di dje.” Durante añanan ’40 di siglo 20 a persiguí Testigonan di Jehova na Merca, entre otro, pa motibu cu nan a nenga di saludá bandera.—Éxodo 20:4, 5.

Mas o ménos 30 caso enbolbiendo Testigonan di Jehova a bai dilanti Corte Supremo na Merca den e periodo di cincu aña entre 1938 i 1943. Segun e artículo: “Asina hopi bes Testigonan di Jehova a lanta cuestionnan fundamental cu ta enbolbé e Promé Enmienda, cu e hues di Corte Supremo Harlan Fiske Stone a skirbi: ‘Mester haci un donacion na Testigonan di Jehova en bista di nan aporte na solucioná problemanan legal relacioná cu libertadnan civil.’”

P’esei, e artículo ta bisa casi na su final: “Tur religion mester gradicí Testigonan di Jehova pa e expansion di libertad [di religion].”

[Rekonosementu pa Potrèt na página 32]

Fondo, edificio: Potret dor di Josh Mathes, Coleccion di Corte Supremo di Merca; mas abou na man robes, huesnan: Coleccion di Corte Supremo di Merca