Un Evento Cu Bo No Mester Perde

“Tur bon don i tur regalo perfecto” ta bini di Dios, nos Tata celestial. —Santiago 1:17.

E REGALO di mas grandi cu Dios a duna humanidad pecaminoso ta e percuracion cu el a haci pa rescatá nan mediante su Yu unigénito, Jesucristo. E morto di Jesus, nos Rescatador, ta haci bida eterno riba un tera paradísico posibel. Na Lucas 22:19, nos ta haña e mandato pa conmemorá su morto.

Testigonan di Jehova ta extendé un invitacion caluroso na bo pa participá huntu cu nan den cumpli cu e mandato di Jesus. E evento anual aki lo ser tené despues cu solo baha riba e dia cu ta corespondé cu 14 di nísan riba e kalender lunar bíblico, cu ta diadomingo dia 8 di april 2001. Haci nota dje fecha aki pa bo no lubid’é. Testigonan di Jehova den bo área por bisa bo e lugá i ora exacto dje reunion.