E Manera Cu Nan Ta Resistí Preshon di Pareunan

E DESEO pa ser aceptá ta pone hopi hende adaptá nan pensamentu i accionnan na esnan di nan pareunan. Hóbennan foral tin mester di fortalesa pa bisa no na prácticanan dañino manera, uso di droga i inmoralidad sexual. Con nan por resistí preshon di nan pareunan?

Recientemente dos mucha muher tiener di Polonia a skirbi: “E spiritu di mundu ta claramente bisto entre hopi di nos pareunan. Nan ta spiek ora di proefwerk, papia palabra sushi, i nan ta gusta paña di moda extremo i música salbahe i inmoral. Esta contentu nos ta cu nos tin artículonan cu ta dirigí na nos como hóben, i cu ta protehá nos dje influencia di tienernan malcontentu i rebelde!

No tin palabra pa expresá nos gratitud p’e artículonan den Toren di Vigilancia cu a inculcá den nos cu, como hóben hende tin mester di nos i ta apreciá nos. E conseho bíblico cu nos a ricibí a yuda nos dirigí nos pasonan corectamente pa asina nos sigui agradá Jehova Dios. Nos ta convencí cu sirbi Jehova fielmente ta e mihó manera pa hiba nos bida.”

Sí, hóbennan por resistí preshon di nan pareunan. Dor di entrená nan “facultadnan perceptivo,” hóbennan cristian ta siña tuma decisionnan sabí cu no ta reflehá “e spiritu di mundu,” sino mas bien, “e spiritu cu ta bini di Dios.”—Hebreonan 5:14; 1 Corintionan 2:12.