Bunitesa Interior Tin Balor Duradero

“PA UN YONCUMAN, BUNITESA TA IGUAL CU BIRTUD,” UN FIEL CRISTIAN DI EDAD A COMENTÁ.

Sí, pa hopi tempu hende tabatin e tendencia di pone indebido énfasis riba bunitesa exterior, loke a pone cu hopi biaha nan a keda ekibocá tocante balornan interior. Sin embargo, nos Creador ta mira kico nos ta te paden, sin importá nos aparencia exterior. Asina e ta pone e mihó ehempel di huicio maduro. Segun Bijbel, Dios mes a bisa: “No ta manera hende ta mira, ta e manera cu Dios ta mira, pasobra e simpel hende ta mira loke ta parce na bista; pero en cuanto Jehova, e ta mira loke e curason ta.”—1 Samuel 16:7.

Dios ta e Fuente di berdadero bunitesa humano, i su Palabra ta revelá cu ora di evaluá un persona su berdadero balor, ta cualidadnan spiritual ta loke ta conta mas tantu. Bijbel ta declará: “Encanto por ta falsu, i bunitesa por ta bano; pero e muher cu ta teme Jehova ta esun cu ta percurá alabansa pa su mes.” (Proverbionan 31:30) Sí, beyesa exterior por sconde cosnan mahos den un hende. (Ester 1:10-12; Proverbionan 11:22) Aunke cu tempu bunitesa físico por disparcé, bunitesa interior—e cualidadnan dje curason—por crece i dura.

P’esei ta masha sabí pa nos cultivá cualidadnan manera amor, goso, pas, gran pacenshi, amabilidad, bondad, fe, suavedad i dominio propio! (Galationan 5:22, 23) Dje manera ei nos por adkerí bunitesa interior, cu di berdad tin balor duradero.—1 Pedro 3:3, 4.