Amor Cristian—Mas Cu Solamente Palabra

ORA cu candela a kima cas di famia Bartholomew na Trinidad, nan a perde tur cos cu excepcion di nan bida. Un pariente cu ta biba ei cerca por a tuma nan den su cas, pero e cuenta no a caba ei.

Olive Bartholomew ta un Testigo di Jehova, i miembronan dje congregacion den cua e ta sirbi—i tambe esnan den e áreanan eibanda—a cuminsá contribuí pa reconstruí e cas cu e i su famia a perde. A forma un comité pa supervisá e proyecto di reconstruccion, i e construccion a cuminsá. N’e sitio tabatin rond di 20 Testigo huntu cu algun bisiña. Asta e hóbennan a yuda, miéntras cu otronan tabata pará cla pa ofrecé co’i bebe pa refrescá.

Segun informe di Sunday Guardian na Trinidad, Olive a bisa: “Mi famia a keda pasmá. Nan no ta Testigo, i ainda mi casá ta den shok di loke e ta mirando.”

Resumiendo nan esfuerso, e coordinadó dje proyecto di construccion a enfatisá cu e actonan ei ta realmente marcanan cu ta identificá berdadero cristianismo. El a declará: “Nos no ta djis papia di amor ora nos ta bai di cas pa cas. Nos ta haci esfuerso pa practicá loke nos ta predicá.”—Juan 13:34, 35.

[Plachi na página 32]

Olive Bartholomew huntu cu su esposo