Enfrentá e Reto di Ser Mayor

LANTA yu awendia, specialmente tiener, ta un reto enorme pa mayornan. The Gazette di Montreal, Cánada, ta informá cu “pa regla, tienernan” mester experimentá cu alcohol i droga. E ta enfatisá cu mayornan tin “un responsabilidad pa paga tinu riba cambio den conducta di [nan] tiener.”

Kico mayornan mester paga tinu ariba, cu lo por indicá e tipo di problemanan ei di adolesente? Algun di e señalnan físico, emocional i social cu e Academia Mericano di Sikiatria pa Mucha i Adolecente a identificá, ta incluí cansancio pa largu tempu, cambio di personalidad i beis, pasamentu di hopi tempu cerá den kamber, comportacion rebelde, i violacion di ley.

Con mayornan por protehá nan yunan di e tipo di experimentonan perhudicial ei i nan consecuencianan? Dr. Jeffrey L. Derevensky di McGill University, ta kere cu comunicacion franco i fomentá respet mutuo durante e añanan di formacion di un mucha por minimisá problemanan cu por bini despues. The Gazette ta agregá cu, maske mucha ta haña un deseo mas fuerte pa independencia durante adolesencia, tog ainda nan tin mester di “e guia, apoyo, structura i amor cu nan mayornan ta duna nan.” E remarkenan aki ta zona mescos cu un proverbio di Bijbel cu ta declará: “Entrená un mucha homber conforme cu e caminda p’e; asta ora e bira bieu lo e no desviá for di dje.” (Proverbionan 22:6) Dios ta consehá mayornan pa nan ta ehempel, compañero, comunicadó i maestro.—Deuteronomio 6:6, 7.