“Mi Bishita na Salon di Reino”

Laura,a un studiante di universidad, a haña un asignacion di scol pa bishitá un sirbishi religioso i skirbi un relato tocante con a bai. El a scoge Testigonan di Jehova, anto el a titulá su ensayo “Mi Bishita na Salon di Reino.” Kico Laura a haña cu ta diferente cerca Testigonan? Dje cantidad di cosnan cu el a mencioná, esakinan ta algun.

Mucha: “Tur mucha tabata den e mésun sala cu hende grandi. Na tur e misanan cu mi a asistí, e muchanan tin cu laga nan mayornan pa bai zondagschool.”

Armonia racial: “Normalmente, e iglesianan ta haña nan miembronan for di un cierto rasa of grupo étnico. . . . Pero, tur e Testigonan di Jehova tabata sinta huntu, no den kliek apart.”

Un spiritu hospitalario: “Hopi hende a bin papia cu mi. . . . Algun di nan a asta puntra mi si mi no tabata studia Bijbel cu niun hende. Tog mi no a sinti cu nan tabata preshoná mi. Nan . . . a laga ami mes dicidí.”

No ta pasa colect: “Loke a sorprendé mi mes tabata cu niun hende no a pasa colect. . . . Na e misanan caminda ami a yega di bai nan tabata pasa colect asta den e klasnan pa mucha.”

Tin casi 90.000 congregacion di Testigonan di Jehova rond mundu. Di con bo no ta bishitá esun mas cerca di bo?

[Nota]