“E Esposo Felis di un Esposa Encantador”

DE BES en cuando, algun hende ta acusá Testigonan di Jehova directamente di ta kibradó di matrimonio. Sin embargo, un cantidad grandi di matrimonio exitoso, unda un partner so ta Testigo di Jehova, ta mustra cu e acusacion aki ta leu di ta berdad. Aplicacion di conseho bíblico den bida di famia, ta contribuí na matrimonionan felis, manera e siguiente carta cu un korant di Francia a publicá, ta mustra.

“Awor, pa casi 28 aña, mi ta e esposo felis di un esposa encantador, kende ta un Testigo di Jehova. El a cria tur mi cincu yunan, di cua dos no ta di dje, cu e mésun atencion i hopi amor. Actualmente mi ta director di un empresa cu 45 trahadó, i mi por sigurá boso cu mi casá a contribuí masha hopi na mi éxito profesional. Ta p’esei, ora mi a mira den mi korant di custumber un artículo cu ta presentá Testigonan di Jehova como un menasa p’e region di Lot-et-Garonne, mi a dicidí di duna boso un testimonio digno di crédito.”

E carta ta bisa tambe: “Nan no ta huma ni bebe burachi. Esaki ta un menasa? Nan ta cristiannan tolerante cu no ta imponé nan reglanan riba ningun hende. Mas bien, nan ta ehemplar den hopi área. . . . Nan no ta enbolbí den escándalonan financiero of traficacion di droga. Nan no ta haci voto di puresa, i mi por sigurá boso cu nan ta hiba un bida masha normal. . . .

Kisas boso lo puntra: Anto, di con bo mes no ta Testigo di Jehova? Pasobra bo mester tin fe cristian i por tene bo na normanan moral estricto, i pa mayoria hende esei no ta fácil.”