Algu Mihó cu Cosmética

APOSTEL Pedro, despues di referí na “kosnan eksterno” cu hende muher ta usa pa realsá nan beyesa, a consehá: “Pero boso bunitesa mester sali for di loke boso tin den boso kurason, e bunitesa duradero di un spiritu suave i trankil. Ta e bunitesa ei ta esun di mas balioso den bista di Dios.”—1 Pedro 3:3, 4, Beibel na papiamentu koriente.

Ta interesante cu ora e apostel a skirbi tocante tal adorno externo, el a usa un forma dje palabra griego kó·smos, cu ta e rais tambe dje palabra papiamentu “cosmética,” cu ta nificá “substancia cu ta contribuí na beyesa foral di cútis.” Ta prohibí Pedro tabata prohibí muhernan cristian di usa makiahe i otro producto di beyesa? Den e Palabra di Dios no tin nada cu ta indicá esei. Mas bien, Bijbel ta laga esei un asuntu di decision personal. Pues nos por verwagt un grado di variacion den gustu.

Sin embargo, si un persona ta usa demasiado makiahe, of ta us’é na un grado cu e ta molestiá hopi otro hende, ki impresion e ta duna? Esei no ta di un persona brutu, sin respet pa otro hende, barata i buyá, cu gusta show of cu kier hala atencion? Sí, esei por haci un muher su aparencia parce barata, i e por asta duna e impresion robes pa loke ta su caracter moral.—Compará cu Ezekiel 23:36-42.

Reconociendo esaki, un muher “cu ta profesá reverencia na Dios,” si e scoge pa usa cosmética, lo haci esfuerso pa laga su cara revelá e marca característico di sano huicio, suavedad, amabilidad i modestia. Cualidadnan asina lo realsá su elegancia i encanto. De facto, sea cu e scoge pa usa makiahe of no, lo e manifestá un dignidad i bunitesa interno. Esaki lo reflehá cu e sa, manera e palabranan di Pedro citá ariba ta implicá, cu tin algu mihó cu cosmética.—1 Timoteo 2:9, 10.