Protehá un Bon Nomber

STUDIA un bunita pintura cuidadosamente por ta un experencia recompensador. Ora bo analis’é hopi djacerca, lo bo ripará cu e pintor a pasa e kwashi cientos di bes p’e logra e efectonan di color riba e paña.

Asina tambe, un bon nomber, bo no ta hañ’é dor di djis pasa un kwashi hanchu, na moda di papia, ma dor di hopi acto chikitu den transcurso di tempu. Sí, tiki-tiki, mediante e echonan cu nos ta efectuá, nos ta crea un reputacion.

Di otro banda, si bo pasa e kwashi un biaha robes, e por baha balor dje pintura. Esei ta e caso tambe cu nos nomber. E rey sabí Sálomon a bisa: “Bobedad dje homber terenal ta troce su caminda.” (Proverbionan 19:3) Tur loke ta necesario pa daña un excelente reputacion ta djis un asina yamá bobedad chikitu, kisas un atake violento di rabia, bebementu di demasiado bebida alcohólico of un solo acto sexual indecente. (Proverbionan 6:32; 14:17; 20:1) P’esei, ta masha vital anto pa nos haci esfuerso pa haña un bon nomber, i traha celosamente pa proteh’é.—Compará cu Revelacion 3:5.