Lesa cu Bo Yunan

Segun e revista brazileño Veja, yu di lector diligente tin mas chens di desaroyá un smak pa lesa buki cu mucha cu no tin un ehempel asina na cas. Martha Hoppe, specialista den desaroyo di mucha, ta remarcá cu “lesamentu huntu ta reforsá intimidad entre mayor i yu i ta permití e yu asimilá e contenido dje buki mihó.”

Ademas, lesa na bos haltu pa bo yunan ta duna bo e oportunidad pa contestá pregunta. Bo por papia riba cualkier plachi cu ta compañá e texto. Segun Hoppe, “mas un mucha comprendé e contenido dje bukinan, mas esei lo stimul’é pa busca nan ora e kier satisfacé su curiosidad.”

Hopi mayor entre Testigonan di Jehova ta gusta lesa cu nan yunan. Tal bes nan ta lesa publicacionnan manera Mi buki di relato bíblico, Scuchando e Gran Maestro i E homber mas importante cu hamás a biba.a E tipo di bukinan aki no solamente ta yuda yu bira bon lector, sino tambe ta amplia nan interes den e buki mas bendí na mundu: Bijbel Santu. P’esei, si bo ta un mayor, pone e ehempel pa bo yunan dor di ta un lector ferviente dje Palabra di Dios. (Hosué 1:7, 8) I haci tur bo esfuerso pa saca tempu pa lesa pa nan!

[Nota]