Un Isla Remoto i Chikitu

E ADHETIVONAN cu mas hende sa usa pa describí e isla di St. Helena ta “remoto” i “chikitu.” Nan ta cuadra, pasobra e largura dje isla aki ta 17 kilometer i su hanchura ta dies kilometer, i e ta keda 1.950 kilometer leu for dje tera mas cerca, e costa zuidwest di Africa. Ta ei nan a manda Napoleon Bonaparte na aña 1815, p’e pasa su último añanan como un exiliado derotá.

Mirá for di laman, e isla ta parce un forti masha grandi. En realidad, e ta un volcan morto cu ta subi for di Océano Atlántico bai stret ariba, cu klipnan steil di 500 pa 700 meter. Den su centro, bo ta haña e Ceru Actaeon, cu un haltura di 818 meter i e ta dominá henter e isla. Dor dje bientu frescu di Sur Atlántico cu ta supla den un solo direccion i e coriente friu di laman, generalmente e clima dje isla ta suave i placentero. Pero for dje costa cu ta keda abou, te na e cerunan den interior, e clima i vegetacion ta varia hopi.

St. Helena ta colonia di Inglatera for di fin di siglo 17. E poblacion chikitu di un 5.000 habitante ta un mescla di hende for di Europa, Asia i Africa. Ingles ta e idioma di henter e isla, pero e tin un accent apart. No tin aeropuerto; e único coneccion cu e mundu di pafó ta un boto cu regularmente ta bai Sur Africa i Inglatera. Eigenlijk, transmision via television a bira disponibel te meimei di añanan ’90, danki na coneccion via satélite.

Na principio di añanan ’30, e bon nobo dje Reino di Dios a alcansá e parti aki pa promé biaha. (Mateo 24:14) Atrabes di añanan, hopi habitante dje isla a gara e tesoro aki, cu ta haci rikesa material insignificante. (Mateo 6:19, 20) Awe, St. Helena ta sobresalí dor cu e tin un promedio di 1 testigo pa cada 31 habitante, e mihó na mundu!

[Mapa na página 24]

(Pa e teksto den su formato kompleto, wak e publikashon)

St. Helena

JAMESTOWN

Levelwood

AFRICA

OCEANO ATLANTICO

St. Helena