“Nos Como Catolico Tin Hopi di Siña For di Nan”

ESAKI ta loke un maestra di Bari, Italia, a bisa di Testigonan di Jehova den un di su lesnan di historia di religion na un scol secundario. E maestra a bisa e klas cu e ta bai usa videocaset pa duna les. Ora Roberto, un alumno di 18 aña, a tende esaki, el a sugerí pa incluí su religion tambe den e consideracion. El a ofrecé e maestra e video Los testigos de Jehová... La organización tras el nombre. El a aceptá e oferta di Roberto. Henter e klas di rond di 30 alumno a wak e video. “Nan tur a keda impresioná cu e unidad, organisacion i amor profundo cu ta reina entre Testigonan di Jehova,” Roberto ta bisa. “Nan a keda asta mas asombrá di sa cu tur luna ta imprimí 40 miyon ehemplar di E Toren di Vigilancia i 36 miyon ehemplar di Spierta!”

Despues cu nan a mira e video, vários di Roberto su compañeronan di klas a bisa: “Mi no tabata sa cu boso ta asina organisá.” Papiando di Testigonan di Jehova, e maestra a bisa e klas: “Mira con nan fe ta motivá nan pa ta uní i organisá. Nos como católico tin hopi di siña for di nan.” E video i e consideracion cu a sigui despues den klas a fomentá un mihó comprendimentu di Testigonan di Jehova.