Borchinan di Trafico Riba e Caminda di Bida

SI BO tabata core riba un caminda desconocí, lo bo a considerá borchinan di tráfico un strobansa? Casi sigur cu no! Sigur-sigur lo bo a considerá nan un yudansa pa evitá cu lo bo a desviá for dje ruta cu ta hiba na bo destinacion.

Pero, kico di core riba e caminda di bida? Nos por tin éxito sin borchinan di tráfico? Un di Dios su profetanan di antigwedad a reconocé humanidad su limitacion den e aspecto aki. El a bisa: “O SEÑOR, mi sa ku e kaminda di hende no ta di djé mes; tampoko no ta keda na hende pa dirigí su pasonan.“—Jeremías 10:23, Editorial Evangélica.

Unda anto, nos por haña e guia necesario? E fuente digno di confiansa pa guia asina ta e Creador di hende, i e borchinan di tráfico figurativo por ser hañá den Bijbel. Mediante su Palabra, Jehova ta bisa: “Bo propio oreanan lo tende un palabra bo tras ta bisa: ‘Esaki ta e caminda. Cana den dje,’ den caso cu boso mester bai na banda drechi of den caso cu boso mester bai na banda robes.”—Isaías 30:21.

Sí, e Palabra di Dios ta duna guia confiabel den tur aspecto di nos bida. (Isaías 48:17; 2 Timoteo 3:16, 17) Pero lamentablemente, mayor parti di humanidad ta cana riba e caminda di bida sin tene cuenta cu guia divino. (Mateo 7:13) Tog, e borchinan di tráfico no a cambia! Lo bo haci caso di nan segun cu abo ta cana riba e caminda di bida?