E Guera Cu A Destrui Siglo 19

1914

REFLECCIONANDO riba e milenio nobo, Charley Reese, un columnista di korant pa The Orlando Sentinel, a skirbi: “E guera di 1914 pa 1918 cu a destruí siglo 19 no a caba.” Kico e tabata kier men? El a splica: “Historia no ta tene cuenta cu fecha. Siglo 19—definí como un set di creencia, suposicion, actitud i norma moral—no a terminá dia 1 di januari 1901. El a terminá na 1914. Ta n’e aña ei tambe, siglo 20, definí den mésun manera, a cuminsá. . . .

Prácticamente, tur problema cu nos a enfrentá henter nos bida, a originá cu e guera ei. Casi tur e tendencianan intelectual i cultural cu nos a experenciá, a nace den e guera ei. . . .

Mi ta pensa cu el a haci asina hopi daño, pasobra el a caba cu e creencia cu hende tabatin cu ser humano por controlá nan destino. . . . E guera a saca e creencia ei for di hende su cabes. Ningun dje nacionnan na e dos bandanan dje bataya a pensa cu cosnan lo a resultá asina. El a destruí e imperionan di Francia i Gran Bretania. El a exterminá e mihó hombernan británico, frances i aleman di henter un generacion. . . . Den un periodo corticu, el a mata 11 miyon hende.”

Pa mas cu 120 aña, Testigonan di Jehova a señalá na 1914 como e fin di loke Jesus a yama “e tempu señalá dje nacionnan.” (Lucas 21:24) N’e aña ei, Jesus, resucitá i glorificá, a keda entronisá como Rey dje Reino celestial. Mediante e Reino ei, Jehova Dios lo eliminá pa semper tur sufrimentu cu a caracterisá e siglo aki.—Salmo 37:10, 11; Eclesiástes 8:9; Revelacion 21:3, 4.

[Rekonosementu pa Potrèt na página 32]

U.S. National Archives photo