Un “Ehempel di Union i Hermandad”

Cu e palabranan ei un señora a describí e accion di Testigonan di Jehova despues cu el a sufri un pérdida doloroso di un miembro di famia. E ta splica:

“Na nomber di mi famia i ami mes, mi kier a yama danki n’e Testigonan dje congregacion italiano na Freiburg, Alemania. Fuera di mi ruman homber Antonio i su casá, Anna, no tin Testigo di Jehova den nos famia. Aunke pa hopi tempu nos a criticá e religion cu nan a scoge, semper nos a respet’é.

Sin embargo, awor, nos a cambia di opinion. De facto, nos a experenciá un ehempel di hermandad i amor cu nunca nos a verwagt.

Lamentablemente, un accidente di tráfico a causa Anna su morto prematuro. Como cu nos ta biba na Italia, nos no por tabat’ei pa duna apoyo emocional tur ora na mi ruman Antonio i su yunan. Pero su rumannan Testigo a sali na su yudansa. Nan a yud’é cu nan presencia, nan palabranan, nan fe, i a dun’é sosten físico, moral i económico. Ya cu mi no por gradicí e congregacion personalmente, lo mi kier a gradicí nan mediante boso revista, pa nan excelente ehempel di union i hermandad cu lo mi no lubidá nunca.”

Nos ta apreciá e remarkenan amabel dje señora aki. Manera el a nota, Testigonan di Jehova ta un hermandad internacional. (1 Pedro 2:17) Nan ta forma banchinan fuerte di cariño cu otro, sabiendo cu amor “ta un laso perfecto di union.” (Colosensenan 3:14) Asta den e circunstancianan di mas trágico, cu por bin riba nos tur, Testigonan di Jehova ta sigui pega na Dios i na su pueblo.—Proverbionan 18:24; Eclesiástes 9:11; Juan 13:34, 35.