Elogio pa un Congreso “Extraordinario”

UN LOCUTOR radial na Lima, Perú, tabatin su dudanan tocante Testigonan di Jehova. Sin embargo, despues cu el a asistí na un di nan congresonan di distrito, su actitud a cambia drásticamente. De facto, el a keda asina impresioná cu el duna algun comentario faborabel na su oyentenan. Parti di loke el a bisa tabata lo siguiente:

“E congreso tabata simplemente extraordinario. No tabatin ni un pida papel bentá abou ni bendedó di cos. No tabatin pegamentu den tráfico. Cincu mil doshen hende a bai e stadion riba nan propio gastu, cada un cu hember, gamus, stofdoek, scop, basora, skeiru, handschoen i detergente pa laba i skrop e lugá. Caminda tabatin mester di un man di verf, nan a dal bai i verf e lugá. I di unda e placa a bini? Nan mes a soru pa esei! Ora informá nan di algu cu mester haci, mesora nan tur su man ta bai sacu pa duna. Mi ta bisá bo, ora ta trata dje cosnan ei, Iglesia Católico a pega soño. Mi kier felicitá Testigonan di Jehova i e coordinadónan dje evenemento aki. I di curason, mi kier bisa nan: Cu Dios yuda boso i bendicioná boso.”

E aña aki, na vários stad rond mundu, Testigonan di Jehova lo disfrutá dje Congreso di Distrito “Biba n’e Manera di Dios.” Lo bo t’ei presente?

[Komentario na página 32]

“No tabatin ni un pida papel bentá abou”