Un Contesta Cu Ta Merecé Atencion

E CATHOLIC Herald, un korant británico católico romano, a publicá recientemente e siguiente carta for di un lector di Gales: “Un anochi, dos Testigo di Jehova a bini na mi porta. Mi a logra bisa cu Iglesia Católico tabata esun cu a garantisá e autenticidad dje Testament Nobo cu nan a cita for di dje. Pa mi sorpresa, un di nan a bai di acuerdo. E di: ‘Sí, boso ta garantis’é, pero boso no ta siguié. Jesus a bisa: “Boso stima un e otro mescos cu ami a stima boso,” pero boso ta mata otro. Den e último guera, católico a mata católico, pero ni un Testigo di Jehova a mata un [otro] Testigo.’ Kico otro mi por a haci, si no di dun’é rason? Con nos por resa pa unidad cu nos ‘rumannan separá’ ora nos no tin berdadero unidad entre nos mes? Nos no mester corigí e escándalo aki promé?”—Juan 15:12.

Tur dos guera mundial di siglo 20 aki a cuminsá den cristiandad i a exigí 50 pa 60 miyon bida. Sin embargo, ta berdad cu Testigonan di Jehova no a tuma parti den e gueranan ei, ni nan no ta enbolbí den ningun dje conflictonan cu actualmente ta tumando lugá. Con esaki ta posibel? Lo ta pa bo mes probecho pa haña sa mas tocante e lasonan poderoso di amor i unidad cristian cu mas di cincu miyon Testigo di Jehova tin rond mundu.—Compará cu lsaías 2:4

[Rekonosementu pa Potrèt na página 32]

U.S. National Archives photo