‘Hoyanan di e Berdad’

‘Hoyanan di e berdad.’ Asina un carta dirigí n’e sucursal di Nigeria di Testigonan di Jehova ta describí dos revista special. E escritor, un yoncuman, ta splica:

“Mi ta skirbi pa expresá mi sincero gratitud pa boso esfuersonan den trata prácticamente tur aspecto dje bida di tur dia atrabes dje revistanan Toren di Vigilancia i Spierta!

“Mi tin 17 aña di edad. Aña pasá un stacion local di radio a patrociná un competencia di opstel riba e tema ‘Amor Ta Encerá Muchu Mas cu Sex—AIDS Ta un Echo.’ Cada opstel no mag tabatin ménos cu cuatershen palabra. Tabatin un premio di 1.000 naira [US$ 12,50] p’e mihó opstel. Naturalmente, nan a bisa, hende mester a skirbi no djis pa gana un premio sino, mas bien, pa siña algu. . . .

“Mi a haña informacion tocante AIDS den tur dos revista. En cuanto amor, tabatin un cantidad infinito di artículo. Mi a usa puntonan for di Spierta! [na ingles] di 8 di augustus, 1978.

“Apénas dos luna despues cu mi a manda mi opstel, e resultadonan a ser publicá. Pa mi sorpresa, mi a sali promé den e estado di Cross River i Akwa Ibom!

“Tur e informacion cu mi a usa a bini dje revistanan. Ta realmente maraviyoso cu Jehova ta percurá informacion oportuno pa nos den e mundu enfermo i yen di dificultad aki. Como cristiannan berdadero, nos sa cu amor ta encerá muchu mas cu sex. I, naturalmente, hibando un bida moralmente limpi ta protehá nos contra malesanan manera AIDS.

“Mi no por keda sin gradicí boso pa e hoyanan aki di e berdad cu boso ta producí sin cansa. Cu Jehova sigui bendicioná boso esfuersonan segun cu boso ta sigui suministrá e revistanan precioso aki.”