Nos Lo Libra un Dia di Esenanan Manera Esaki?

UNDA cu nos bira awendia, nos ta mira imágennan di tension, conflicto i guera. Pero no ta e propósito dje revista aki pa agregá mas mal noticia na tur esnan cu ya bo sa caba. Mas bien, e edicion special aki lo cerá bo conocí cu por lo ménos dos berdad consolador. Promé, cu profecianan antiguo den Bijbel realmente a predicí hopi dje mal noticianan teribel di nos era; na di dos lugá, cu e mésun buki di profecia aki ta predicí un dia ora esenanan manera esun mustrá aki lo ta cos di pasado. Lo no tin guera mas. Lo no tin mas tiramentu di bom, tiroteo for di emboscada, minanan di tera, ni terorismo. Lo no tin mas huérfanonan angustiá of refugiadonan sin cas. Un mundu di berdadero pas, un pas cu ta trankilisá e curason. Lo bo kier mira un tempu asina? Nos ta instá bo pa considerá loke Bijbel tin di bisa. Tal bes lo bo haña mas consuelo den Bijbel cu hamas bo a pensa ta posibel.