“Un Regalo Maraviyoso for di Jehova”

E EDICION di 1 di mei, 1996, di E Toren di Vigilancia a contené un consideracion profundo di neutralidad cristian i con pa balansá nos responsabilidadnan na Jehova i na “César.” (Mateo 22:21) Nos a tende hopi expresion di aprecio pa e informacion nobo cu a ser percurá. Entre nan tin e siguiente carta, skirbí pa un Testigo na Grecia i dirigí na e Cuerpo Gobernante di Testigonan di Jehova:

“Mi kier expresá mi mas profundo gratitud na boso tur, rumannan stimá, pa cuida nos asina bon spiritualmente. Dor cu mi a pasa rond di nuebe aña den prizon debí na mi fe cristian, berdaderamente mi ta apreciá e pensamentunan maraviyoso den e edicion di 1 di mei, 1996, di E Toren di Vigilancia. (Isaías 2:4) Esaki tabata un regalo maraviyoso for di Jehova.—Santiago 1:17.

“Segun cu mi tabata disfrutá dje artículonan aki, mi a corda un comentario den un Toren di Vigilancia di poco tempu pasá (1 di augustus, 1994, página 14): ‘Claramente, e facultad di ser razonabel ta un cualidad precioso, un cualidad cu ta conmové nos pa stima Jehova Dios tantu mas.’ Sí, rumannan, mi ta gradicí Jehova cu mi ta parti di su organisacion bondadoso i amoroso, cu claramente ta reflehá su sabiduria.—Santiago 3:17.

“E lus mas cla den e Toren di Vigilancia di 1 di mei a ser bon ricibí aki na Grecia, specialmente pa esnan cu a pasa vários aña den prizon of cu ainda ta den prizon debí na nan fe. Danki un biaha mas. Cu Jehova fortalecé boso cu su spiritu pa sigui proveé nos cu alimento spiritual balioso den e tempu problemático aki.”