Un Revista Cu Ta Conmové Curason

UN CANTIDAD incontabel di revista ta ser publicá rond mundu pa satisfacé e lector su hamber pa informacion of entretenimentu.

Kico ta haci e revista aki den bo man asina excepcional? E siguiente carta, cu e oficina di sucursal dje Sociedad Watch Tower na Alemania a ricibí, por duna un contesta:

“Masha masha danki, rumannan stimá, pa boso esfuersonan i trabou. Ora ami cu mi dos yunan a regresá for di reunion, aunke tabata 9:30 p.m., mi simplemente tabatin cu scucha e último Toren di Vigilancia [riba audiocaset]. Segun cu mi tabata laba tayó, mi a cuminsá scucha e promé artículo di studio (1 di april, 1995). Mi a sinti cu mi tabatin cu scuch’é un biaha mas, di manera cu mi a interumpí mi trabou den cushina i a lesa e artículo [“Bo Ta Precioso den Bista di Dios!”] den E Toren di Vigilancia huntu cu e cinta. El a conmové mi curason, specialmente e di cuater i di cincu paragraf. Anto e lágrimanan a cuminsá basha—pero no pa hopi ratu. Mi ta gradicidu na Jehova cu mi ta na bida i ta pertenecé na su pueblo i cu ami, huntu cu asina tantu otro ruman, por haci su nomber conocí. En berdad no tin motibu pa nos sinti nos mes sin balor. Jehova su spiritu ta cu su pueblo. Cu nos tur perseverá i para firme den fe, i uní. Cu cariño cristian, boso ruman den fe.”

E Toren di Vigilancia ta duna mas cu informacion. E ta conmové curason di su lectornan i ta satisfacé nan deseo pa alimentacion spiritual i animacion oportuno. Sí, E Toren di Vigilancia ta duna “alimento n’e debido tempu.”—Mateo 24:45.