Un Cumplimentu di Profecia Bíblico

DEN e Imperial War Museum na Londen, Inglatera, tin un exhibicion di un oloshi único i un contador digital electrónico. Segun cu e oloshi ta drei, e contador ta ‘klik’ cada 3,31 seconde. Cu cada klik un cifra mas ta ser agregá n’e total. Cada klik, cada cifra, ta representá un homber, un muher of mucha cu a muri como resultado di guera durante e siglo aki.

E contador a cuminsá su conteo na juni 1989 i lo completá su conteo meianochi riba bispu di aña 2000. P’e tempu ei e cifra riba e contador lo registrá shen miyon—e cantidad calculá di mortonan relacioná cu guera atrabes di siglo 20.

Casi 2.000 aña pasá, Jesucristo a profetisá di un tempu cu lo ta marcá pa ‘nacion cu lo lanta contra nacion i reino contra reino.’ Di acuerdo cu esei, Testigonan di Jehova pa hopi tempu ta predicando cu e gueranan devastador dje siglo aki, huntu cu un cantidad di temblor, pest, scarcedad di cuminda i otro desaroyonan, tur huntu ta duna prueba cu nos ta bibando den “e último dianan”—e periodo di tempu cu a sigui despues di Cristo su instalacion como Rey den shelu na aña 1914.—Lucas 21:10, 11; 2 Timoteo 3:1.

Usando Bijbel como su autoridad, E Toren di Vigilancia ta anunciá e bon nobo cu e Reino di Dios pronto lo destruí opresornan i lo transformá e tera den un paradijs. I kico dje futuro di guera? Bijbel ta declará: “Boso bini, contemplá e actividadnan di Jehova, con el a establecé sucesonan asombroso riba tera. E ta haciendo gueranan stop te na e extremidad dje tera. E ta kibra e boog i ta corta e lansa na pida-pida; e garoshinan [di guera] e ta kima den candela.”—Salmo 46:8, 9.

[Rekonosementu pa Potrèt na página 32]

Oloshi: By Courtesy of the Imperial War Museum