Diosanan di Fertilidad i Guera

DURANTE un campaña arkeológico na Ebla, Siria, un relikia cu representacion gráfico di Istar, e diosa babilónico di fertilidad i guera, a ser descubrí. Arkeólogo Paolo Matthiae ta describié como un “seyo cilíndrico cu un esena di culto mustrando un sacerdotisa cubrí cu un belo dilanti un imágen divino singular . . . cu su cabes pegá na un standu largu i delegá.”

E descubrimentu ta importante, pasobra e imágen ta data for di cuminsamentu di siglo 18 P.E.C. Segun Matthiae, esaki ta ofrecé “prueba definitivo” cu adoracion di Istar a ser practicá pa rond di 2.000 aña.

Adoracion di Istar a cuminsá na Babilonia i den e siglonan cu a sigui despues el a plama na tur parti dje Imperio Romano. Jehova a manda e israelitanan eliminá tur rastro di religion falsu for dje Tera Primintí, pero debí cu nan no a haci esei, adoracion di Astoret (e ekivalente cananeo di Istar) a bira un trampa pa nan.—Deuteronomio 7:2, 5; Huesnan 10:6.

Aunke Istar i su ekivalente Astoret no ta existí mas, e característicanan cu nan a representá—inmoralidad i violencia—ta reina tur caminda. Nos por wel puntra nos mes si sociedad moderno ta realmente asina tantu diferente for dje civilisacionnan antiguo ei cu a adorá e diosanan aki di fertilidad i guera.

[Plachi na página 20]

Muchanan tambe a ser sacrificá na Tanit

[Rekonosementu]

Ralph Crane/Bardo Museum