Cahita di Cuminda Ta Duna Testimonio

DEN e dianan cu a sigui despues dje temblor na Kobe, Hapon, januari último, hende den e área afectá a pasa un tempu difícil pa haña cuminda. Sin embargo, Testigonan di Jehova sí no a falta alimento, gracias n’e asistencia bondadoso di nan rumannan. P’e promé dos of tres dianan despues dje temblor, congregacionnan den cercania a percurá balchinan di aros. Pronto, rumannan amoroso tabata percurá cahitanan di cuminda. N’e cahitanan di cuminda, hopi ruman tabata pega notanan cu a expresá interes den esnan afectá. Esnan cu a ricibí e cumindanan a bisa cu cada cuminda a ser “salá” ya cu nan no por a contené nan lágrimanan ora nan tabata lesa e notanan.

Testigonan di Jehova a compartí nan cuminda cu otronan cu tabata den necesidad. Un Testigo tabata comiendo su almuerso ora e tabata coriendo den auto cu un colega no-Testigo cu tabata traha n’e mésun compania. Pues el a compartí un dje cahitanan di cuminda cu el a ricibí.

“Unda bo a cumpra e cahita di almuerso aki?” su colega a puntra. E ruman a splica e trabou di alivio dje Testigonan. “Mi no a come berdura pa hopi dia. Mi ta bai warda un tiki i hib’é cas pa mi famia,” e homber a bisa yen di gratitud.

E di tres biaha cu esaki a sosodé, e colega a duna e Testigo 3.000 yen (rond di NAƒ. 63) i a bisa: “Mi conocé boso actividadnan, pues por fabor, lagá mi haci un donacion pa boso trabou. Mi ta apreciá cu bo ta compartí bo almuerso cu mi. Realmente, bo rumannan tur ta hende masha amabel.”