Alivio pa Victimanan Inocent

E TA un dje crímennan mas repugnante hamas cometí dor di hende —sacrificio ritual di mucha. Algun hende no ta kere cu tal práctica horendo lo por a tuma lugá. Pero e característica aki dje adoracion di Fenicia a ser confirmá dor di numeroso descubrimentunan arkeológico.

Muchanan di famianan di noblesa tabata ser sacrificá den candela na diosnan manera Tanit i Baal-Hammon. Na Cartage víctimanan hóben tabata ser kimá den sacrificio na un estatua di brons dje dios griego Krónos. Diodorus Siculus, un historiador dje promé siglo P.E.C., ta bisa cu e famianan dje mucha no tabatin mag di yora. Kisas nan tabata kere cu e lágrimanan di angustia lo a mengua e balor dje sacrificio.

Pa un periodo di tempu un rito similar a ser practicá cerca di Jerusalem den Tofet di antigwedad. Adoradornan ei tabata baila i bati tamborin pa tapa e gritunan dje mucha segun cu e tabata ser tirá den e fornu den e barica dje estatua di Molec.​—⁠Jeremías 7:⁠31.

Jehova ta sinti gran rabia pa cu esnan cu sin piedad ta tapa nan orea pa e dolor di otronan. (Compará cu Proverbionan 21:13.) Siendo e Dios cu ta mustra compasion pa mucha, Jehova siguramente lo incluí tal víctimanan inocente den e “resureccion di tantu e hustu como e inhustunan.”​—⁠Echonan 24:15; Exodo 22:​22-24.