Dios Ta Goberna E Mundu?

TA DIADOMINGO mainta. Hopi hende ta lanta for di cama, drecha nan curpa, desayuná i sali purá pa misa. Ei nan ta scucha un sermon tocante con Dios ta goberná supremamente riba e tera, incomparabel den autoridad. Nan ta ser bisá cu e ta interesá profundamente den hende. Referencia ta ser hací na Jesucristo tambe. Nan por tende cu e ta e Rey di reynan na kende tur rudia ta dobla den obedencia.

Yegando cas for di misa, e hendenan aki por cende television i wak noticia. Awor nan ta tende tocante hamber, crímen, abusu di droga i pobresa. I nan ta mira esenanan penoso di malesa i morto.

Personanan asina por cuminsá puntra nan mes tocante e cosnan cu nan a tende den misa i specialmente tocante asuntunan cu nunca a ser splicá ei. Si Dios ta tantu amoroso como todopoderoso, pakico cosnan teribel ta sosodé? I kico di Jesucristo? Obviamente, tin hopi rudia cu no ta dobla den obedencia na dje.

[Plachi na página 3]

Si Dios ta goberná e mundu, pakico tin tantu sufrimentu i confusion?

[Plachi Rekonosementu na página 2]

Kaft: Foto di NASA