“Fuera dje Límitenan di Sano Huicio”

“SIENDO cu guera ta cuminsá den mente di hende, ta den e mente di hende nos tin cu lanta e baluartenan di pas.” (Statuto dje Organisacion Educacional, Científico i Cultural di Nacionnan Uní) Cu e declaracion aki na mente, na 1993 mas cu 500 experto cu a asistí na un conferencia di Nacionnan Uní riba desarmamentu a discutí e papel di religion den edificá e baluartenan ei.

Jonathan Granoff, representante dje Asociacion di Abogadonan pa Siguridad Mundial, tabata e moderador p’e conferencia. El a remarcá: “E grado di conflicto religioso i étnico actual ta fuera dje límitenan di conducta civilisá, posiblemente fuera dje límitenan di sano huicio.” E palabranan di John Kenneth Galbraith a ser citá aptamente durante e conferencia: “Mas hende a ser matá den nomber di religion cu den tur e gueranan i desasternan natural contá huntu.”

Dr. Seshagiri Rao a bisa: “Dokternan t’ei pa cura i no pa plama malesa. Tradicionnan religioso no t’ei pa plama odio i conflicto violento un contra otro. Nan ta intencioná pa ser forsanan di reconciliacion. Sin embargo, den práctica, hopi biaha nan a funcioná i ainda ta funcioná como forsanan cu ta dividí.”

Algun aña pasá, Catholic Herald di Londen a comentá cu pas por ser garantisá “si e iglesianan djawe tur huntu por a declará un condenacion di guera.” Sin embargo, e corant a agregá: “Nos sa cu esaki nunca lo sosodé.” Un soeur católico a yega di comentá: “Ki diferente e mundu lo tabata si nos tur a lanta un mainta firmemente dicidí pa no coge arma atrobe, . . . net manera Testigonan di Jehova!”

[Plachi Rekonosementu na página 32]

Tom Haley/Sipa Press