Congreso “Alabadornan Gososo” Lo Bo T’ei?

GOSO! E palabra ei no ta zona straño den e mundu yen di problema aki? Siguramente corantnan no ta duna hopi motibu pa goso. Gueranan étnico, hamber tur caminda, desempleo, polucion peligroso, instabilidad político, crímen—esakinan no ta cosnan pa yena e curason cu goso, no ta berdad?

Awe mayoria hende ta gara cualkier goso cu nan por haña for di bida. Pero goso? Goso a ser describí como un “estado di felicidad; hubilacion.” No ta masha hende a experenciá berdadero goso, i ora nan experenci’é mes, hopi biaha e ta masha temporal.

Tog, mirando padilanti na nos tempu, Bijbel a profetisá: ‘Esaki ta loke e Señor Soberano Jehova a bisa: “Mira! Mi mes sirbidornan lo alegrá. Mira! Mi mes sirbidornan lo sclama gososamente debí n’e bon condicion dje curason.” ’ (Isaías 65:13, 14) Con esei ta posibel?

Pa haña e contesta, nos ta invitá bo pa asistí na un dje congresonan di districto di Testigonan di Jehova cu lo ser tené den 1995. E tema dje congresonan ta “Alabadornan Gososo,” i entrada ta grátis. E programa dje congreso di tres dia lo consistí di discursonan, demostracionnan, consideracionnan, i mas basá riba Bijbel. Atrabes di henter e programa, e tema di goso lo ser resaltá.

E congresonan ta cuminsá na Merca na juni i lo sigui den stadnan rond mundu te cuminsamentu di 1996. Probablemente, lo tin un cerca di bo. Pakico no puntra e Testigonan di Jehova cu ta biba den bo área? Nos ta invitá bo calurosamente pa ta presente.