Chikitu pero Poderoso

ROBERT, un hóben di Cánada, a biaha rond Europa en busca di su propósito den bida. El a mira hopi cos cu a lagu’é sinti su mes desanimá tocante futuro.

Miéntras e tabata sintá den un cafetaria na Sevilla, Spaña, Robert a ricibí un tratado publicá dor di Testigonan di Jehova. Na promé instante, Robert tabatin su dudanan. “No obstante, mi a les’é,” el a bisa. “Mi no por splica esaki, pero mi a sinti cu di ripiente algu tabatin sentido. Durante mi biahenan, mi a mira hopi forma di depresion i decadencia humano, i mi tabata frustrá cu mi inabilidad pa cambia cosnan. Despues di a lesa e tratado, mi a puntra mi mes, ‘E “mundu nobo” aki tin un chens di existí?’ Anto, mi a pensa, ‘Sí, kisas e tin.’ ”

Cu speransa renobá, Robert a skirbi e oficina di Testigonan di Jehova na Cánada, pidiendo pa un hende bishit’é ora e regresá cas i yud’é comprendé Bijbel.

Sin duda, e palabra papiá ta poderoso. Sin embargo, nunca balotá e poder dje mensahe imprimí. Sin importá con chikitu, publicacionnan basá riba Bijbel tin un atraccion dinámico. Nan ta afectá e mente i curason, dunando un speransa sigur pa futuro.​—⁠Hebreo 4:⁠12.