Bo Ta Corda?

Bo a pensa cuidadosamente riba e reciente edicionnan di E Toren di Vigilancia? Si ta asina, lo bo haña ta interesante pa recordá lo siguiente:

▫ Kico ta un diferencia principal entre hende i bestia?

Un diferencia principal ta drei rond dje structura, capacidad i funcionnan dje celebro. Den bestia casi tur e funcionnan celebral a ser programá den loke a bin ta ser yamá sabiduria instintivo. Esaki no ta e caso cu hende. Dios a dota hende cu e facultad di boluntad liber. (Proverbio 30:​24-28)​—⁠15/4, página 5.

▫ Ki papel cantamentu a hunga den adoracion di tempel dje israelitanan?

Música, specialmente cantantenan, a ocupá un lugá importante den adoracion, no necesariamente pa inculcá e asuntunan di mas peso dje Ley, sino pa percurá e spiritu apropiado pa adoracion. Esei a yuda e israelitanan adorá Jehova den un manera bibu. (1 Crónica 23:​4, 5; 25:⁠7)​—⁠1/5, página 10, 11.

▫ Ki clase di atencion yunan mester for di infancia?

Mayornan mester duna atencion casi constante na un yu recien nací. Pablo a skirbi: “Desde infancia bo a conocé e scritura santu, cu por hací bo sabí pa salbacion.” (2 Timoteo 3:15) Pues e atencion di mayornan cu Timoteo a ricibí, asta for di infancia, tabata tambe di un clase spiritual.​—⁠15/5, página 11.

▫ Mencioná cuater clase di evidencia cu ta proba cu Bijbel ta contené Dios su mensahe pa tur humanidad.

(1) Disponibilidad. Bijbel ta disponibel pa rond di 98 porciento dje poblacion di mundu. (2) Autenticidad histórico. Bijbel ta contené echonan histórico, i no leyenda sin prueba. (3) Practicalidad. Su mandamentunan i principionan ta siña un moda di biba cu ta resultá den beneficionan pa esnan cu ta pega na nan. (4) Profecia. E ta un buki cu ta bisa en detaye loke lo sosodé den futuro.​—⁠1/6, página 8, 9.

▫ Ki responsabilidad ta compañá conocimentu dje religion berdadero?

Unabes nos a identificá e religion berdadero, nos mester edificá nos bida rond di dje. E ta un moda di biba. (Salmo 119:105; Isaías 2:⁠3)​—⁠1/6, página 13.

▫ Pakico studio personal dje Bijbel ta asina esencial?

Tur sirbidor di Dios mester renobá nan goso i fortalesa dia tras dia dor di haña aspectonan nobo of mas profundo dje berdad dje Palabra di Dios. Den e manera aki nan ta tene nan mes stimulá spiritualmente.​—⁠15/6, página 8.

▫ Kico ta nificá e palabra “picá” manera e ta ser usá den Bijbel?

Den nan forma di verbo, e palabranan hebreo i griego generalmente usá den Bijbel pa denotá “picá” ta nificá “hera,” den e sentido di hera of no alcansá un meta, marca of blanco. E promé pareha humano no a alcansá e gloria di Dios, perdiendo e propósito pakico nan a ser creá den imágen di Dios. Cu otro palabra, nan a peca. (Génesis 2:17; 3:⁠6)​—⁠15/6, página 12.

▫ Pakico ta masha imprudente pa lesa literatura apóstata?

Algun literatura apóstata ta presentá falsedad usando “labiamentu” i “palabra falsu.” (Romano 16:​17, 18; 2 Pedro 2:⁠3) Tur skirbimentu apóstata simplemente ta criticá i ta kibra. Nada ta edificante.​—⁠1/7, página 12.

▫ Grecia tabata e cuna di democracia?

Na Grecia di antigua, democracia a ser practicá solamente den algun stad independiente, i asta den esakinan hende homber so a vota. Esaki a nificá cu cuater kinta parti dje poblacion a ser lagá afó. Esei apénas tabata un soberania popular of democracia!​—⁠1/7, página 16.

▫ Kico ta pone un matrimonio cristian florecé?

Ora esposo i esposa ta respetá Dios su punto di bista di matrimonio i ta haci esfuerso pa biba segun e principionan di su Palabra. (Efesio 5:​21-33)​—⁠15/7, página 10.

▫ Con bo studio di famia por ta deleitabel?

Purba enbolbé tur e yunan. Sea positivo i edificante, encomendando bo yunan calurosamente pa nan participacion. No simplemente cubri material sino purba alcansá e curason di bo yunan.​—⁠15/7, página 18.

▫ Kico tin implicá den e expresion: “Ki ora cu nan bisa: ‘Pas i siguridad!’ ” (1 Tesalonicense 5:⁠3)

Tuma nota cu Bijbel no ta bisa cu e nacionnan lo alcansá “pas i siguridad.” Pero nan por lo ménos lo ta papiando di dje den un manera único, expresando un optimismo i un conviccion te asina leu desconocí. E posibilidad pa alcansá pas i siguridad lo parce di ta mas cerca cu nunca promé.​—⁠1/8, página 6.

▫ Mencioná tres manera den cua Jehova ta demostrá razonabilidad.

Jehova a demostrá cu e ta semper cla pa pordoná. (Salmo 86:⁠5) E tabata dispuesto pa cambia un curso di accion cu el a contemplá segun cu circunstancia nobo a presentá. (Mira Jonas, capítulo 3.) Tambe, Jehova a demostrá di ta razonabel den e ehercicio di autoridad. (1 Rey 22:​19-22)​—⁠1/8, página 12-14.