Un Anochi pa Recorda

RIBA un dia memorabel mas cu 3.500 aña pasá, Jehova Dios a manda e israelitanan esclabisá na Egipto mata un lamchi i sprengu su sanger riba e kozijnnan di porta i drempelnan di nan cas. E mésun anochi ei, Dios su angel a pasa over dje casnan marcá den e manera aki pero a mata e yunan primogénito den e casnan di tur e egipcionan. E israelitanan a ser librá e ora ei. For dje tempu ei, rib’e aniversario di tal suceso, hudiunan a celebrá e Pascu.

Inmediatamente despues cu Jesucristo a caba di celebrá su último Pascu cu su apostelnan, el a instituí un cena cu lo a conmemorá su morto sacrificial. El a duna su fiel apostelnan pan i a bisa: “Tuma, come. Esaki ta nificá mi curpa.” Despues el a duna nan un copa di biña i a bisa: “Bebe for di dje, boso tur; pasobra esaki ta nificá mi ‘sanger dje pacto,’ cu mester ser dramá na fabor di hopi pa pordon di picá.” Jesus a bisa tambe: “Sigui haci esaki na mi recuerdo.” (Mateo 26:​26-28; Lucas 22:​19, 20) Asina Jesus a manda su siguidornan pa warda e observancia aki di su morto.

Testigonan di Jehova ta invitá bo calurosamente pa uni cu nan den observá e Memorial di Jesus su morto. Bo por asistí n’e Salon di Reino mas cerca di bo cas. Averiguá cu e Testigonan den bo localidad p’e ora i lugá exacto. E fecha p’e observancia den 1994 ta djasabra, 26 di mart, riba cua lo pasa e pan i e biña despues cu solo baha.