“Láganos Leza Mas, Promé Cu Nos Ta Burla”

ESEI ta loke un persona di Nueva Zelandia a bisa tocante E Toren di Vigilancia, e revista cu bo ta leza. En cuanto un artículo tocante e garoshi celestial di Dios cu ta ser detayá den Ezekiel capítulo 1, e persona a skirbi:

“Cada un dje cuater criatura bibiente, of querubin, tabatin cuater hala i cuater cara. Nan tabatin cara di león, indicando e husticia di Jehova; cara di toro, representando e poder di Dios; cara di águila, nificando sabiduría; i cara di hende, demonstrando e amor di Jehova.

“Despues di a leza esei bez tras bez, mi tabatin un sintimento di aprecio den mi curazón. Lágrima a yena mi wowo, lágrima di gozo. Mi pensamento inmediato tabata, ‘Ki bonita i agradable bo mester tá, Jehova Dios!’ Mi a keda basta tolondrá cu mi mes en cuanto e sintimento nobo pe Jehova Dios cu mi a burla pa hopi aña, siendo cu mi ta un hende mundano. Mi ta bisa Testigo di Jehova ‘danki,’ i ne cantidad di hende manera ami, mi ta bisa, ‘Láganos leza mas, promé cu nos ta burla.’”