E Cosecha di un Berdadero Evangelizador

WILLIAM R. BROWN a yega Africa na 1923. Cu su esposa i yiu, ‘el a haci e trabao di evangelizador’ den Gambia, Ghana, Liberia, Nigeria, i Sierra Leona. (2 Timoteo 4:5) E fruta di su trabao ta extraordinario.

E tabata natural di Antillas i no tabata miembro di religion di cristiandad i siguramente no a inbolucré den político. Mas bien, el a imita Jesús i e apóstolnan publicando e nomber i soberanía di Jehova, enfatizando e importancia dje rescate, i predicando e bon nobo dje Reino. (Mateo 9:35; 20:28; Juan 17:4-6) William R. Brown a usa e Bijbel constantemente, siñalando na dje como e autoridad final den asunto di doctrina i fe. (2 Timoteo 3:16) El a usa e Bijbel asina tanto cu hende a yamé Brown di Bijbel.

Cu e bendicion di Jehova, simía cu Brown di Bijbel a sembra a nace i a crece. Awe, den país unda el a hiba e delantera, casi ­200.000 africano a dedica nan bida na nan Creador i, en turno, ta predica e bon nobo di Reino na otronan. (Mateo 24:14; 1 Corintio 3:6-9) Tal cristian activo ta conocí na tur parti pa nan onradez i confiabilidad. Nan ta orguyoso di ser Testigo di Jehova i e pueblo di Cristo, e Rey reinante.

Tal cosecha ta e resultado di berdadero evangelizacion cristian. Un cosecha parecido ta ser cosechá rond di mundo riba tur continente habitá. Den mas cu 200 país, mas cu cuater miyón hende homber i muher di curazón manso a ser “cosechá” i ta repiti na otro hende e palabra dje angel evangelizador: “Teme Dios i duné gloria, pasobra e ora dje huicio di dje a yega.” (Revelacion 14:7) En berdad, e único manera pa haya speranza den nos tempo turbulento ta di acudi na Dios i sometébo ne gobernacion di su Reino.