Mescos cu Paloma cu ta Bolbe pa Nan Cas

PALOMA probablemente tabata dje promé páharanan cu hende a domesticá. Miles di aña pasá, egipcio—cu intencion di percura cuminda pa henter e aña—a traha cas di paloma cerca nan cas. Nan a aprecia hopi e carni di paloma, i nan a usa e mest pa gorda e tera. Durante Edad Mediano, cas di paloma tabata tanto deseabel cu den algun país hende real so of frere tabata permití di críanan.

Aunque awor galiña a tuma e lugar di paloma como un fuente di carni riba casi tur mesa, ta posibel pa contra cu algun cas di paloma di antigua ainda. Cas di paloma den e portret aki ta situá den Egipto.

Bolbiendo hunto den atardi laat, un nubia mes di paloma ta baha riba e cas. E profeta hebreo, Isaías, a menciona esei ora el a puntra: “Ken ta esnan cu ta bini bulando hustamente manera nubia, i manera paloma pe porta di nan cas?” I un otro traduccion ta bisa: “Ken ta esnan cu ta pasa manera nubia, cu ta bula manera paloma pa nan cas?”—Isaías 60:8; The New English Bible.

E contesta ta ser hayá awe den e cientos di miles di hende temeroso di Dios cu ta drenta na cantidad den e organizacion di Jehova Dios. Den Salón di Reino di Testigo di Jehova, nan ta siña spera den Dios. (Isaías 60:9) Den e pueblo di Dios, nan ta descubri cu balornan spiritual, un fe bibo, i compañerismo saludable ta duna un sintimento di paz i siguridad semehante di loke paloma ta haya den nan cas.

[Rekonosementu di plachi na página 32]

Pictorial Archive (Near Eastern History) Est.