Ken Ta Enemigu Di Dios?

Dios su enemigu principal ta Satanas e Diabel. E ta un criatura spiritual cu a rebeldiá contra Jehova. Satanas ta sigui bringa contra Dios i ta causa hopi problema pa hende. Satanas ta malbado. E ta un gañadó i un asesino.—Juan 8:44.

Otro criaturanan spiritual a djoin Satanas den su rebelion contra Dios. Bijbel ta yama nan demoño. Mescos cu Satanas, e demoñonan ta enemigu di hende. Nan ta gusta haci hende daño. (Mateo 9:32, 33; 12:22) Jehova lo destruí Satanas i su demoñonan pa semper. Nan tin solamente un poco tempu mas pa causa problema pa hende.—Revelacion 12:12.

Si bo kier ta amigu di Dios, bo no tin cu haci loke Satanas kier. Satanas i e demoñonan ta odia Jehova. Nan ta enemigu di Dios, i nan kier haci abo un enemigu di Dios. Bo tin cu scoge ken bo kier agradá—Satanas of Jehova. Si bo kier bida eterno, bo mester scoge pa haci Dios su boluntad. Satanas tin hopi triki i maneranan pa gaña hende. E ta gaña mayoria hende.—Revelacion 12:9.