Bo Mester Siña Tocante Dios

Pa ta amigu di Dios, bo mester siña tocante dje. Bo amigunan sa bo nomber i nan ta us’é? Sí. Dios kier pa bo conocé i usa su nomber tambe. Dios su nomber ta Jehova. (Salmo 83:18; Mateo 6:9) Tambe bo tin cu siña loke e ta gusta i no ta gusta. Bo tin cu sa ken ta su amigunan i ken ta su enemigunan. Pa siña conocé un persona, tempu ta necesario. Bijbel ta bisa cu ta sabí pa apartá tempu pa siña di Jehova.—Efesionan 5:15, 16.

Dios su amigunan ta haci loke ta agrad’é. Pensa riba bo amigunan. Si bo ta trata nan malu i ta haci cos cu nan ta odia, nan lo keda bo amigu? Claro cu no! Dje mésun manera, si bo kier ta amigu di Dios, bo mester haci loke ta agrad’é.—Juan 4:24.

No ta tur religion ta hiba na amistad cu Dios. Jesus, kende ta Dios su amigu di mas pegá, a papia di dos caminda. Un caminda ta hanchu i yen di hende. E caminda ei ta hiba na destruccion. E otro caminda ta smal i tin poco hende ta cana riba dje. E caminda ei ta hiba na bida eterno. Esaki ta nificá cu si bo kier tin Dios su amistad, bo tin cu siña e manera corecto pa ador’é.—Mateo 7:13, 14.