‘El A Kita Mi Dudanan Tokante e Nòmber di Dios’

Un hòmber di abla spañó di San Diego, California, a usa e palabranan sitá ariba, den un karta ku el a skirbi e ofisina di sukursal di Testigu di Yehova na Merka. El a splika: “Ounke mi no ta miembro di boso organisashon, mi ta gusta lesa boso literatura. Mi ta skirbi e karta aki pa felisitá boso. Tres dia pasá mi bista a kai riba un foyeto ku tabata bentá den ko’i sushi. Mi a koh’é ounke e tabata muhá. Su título ta E nomber divino cu lo permanece pa semper. Despues ku mi a sek’é, mi a analis’é kuidadosamente.

Nunka promé un publikashon no a fasiná mi asina tantu. Mi ta kere ku niun kaminda na mundu no tin algu manera e foyeto aki. El a kita tur mi dudanan tokante e nòmber di Dios. Ya mi a kuminsá usa e ehemplar dañá aki pa siña mi amigunan religioso, tokante e nòmber di Dios. Mi ta puntra nan: ‘Kon ta Dios su nòmber?’ Pero nan no por kontestá mi! E ora ei mi ta mustra nan e foyeto. Por fabor, manda pa mi tres ehemplar nobo na spañó.”

Bo por manda pidi un ehemplar di e foyeto di 32 página E nomber divino cu lo permanece pa semper dor di yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Sin ningun obligashon, mi ta pidi pa manda pa mi un ehemplar di e foyeto E nomber divino cu lo permanece pa semper.

□ Por fabor, tuma kontakto ku mi pa un studio di Beibel grátis na kas.