“Mi Ta Adicto na Boso Revistanan”

Un carta cu e oficina di sucursal di Sociedad Watch Tower na Alemania a ricibí recientemente ta bisa en parti:

“Mi tin cu admití cu mi ta adicto na boso revistanan. Tur aña ta mésun historia. Djis promé cu vakansi, mi ta dicidí di no lesa e último dos edicionnan pa asina mi lesa nan cant’i laman. Un decision firme!

Pero asina mi haña nan den mi man, e problema ta cuminsá. Djis un bista na e página di contenido. Wauw, tin un historia di bida! Wel, kisas lo mi les’é djis como aperitivo, pero nada mas. Ai, pero e siguiente artículo ta parce hopi interesante. Stop! Mi mester dje revistanan pa mi lesa durante vakansi. Djis un artículo so mas. I e pidanan di “Observando Mundu” ta semper asina informativo! Finalmente, manera bo por imaginá, pa ora mi yega laman, no a sobra ni un solo artículo.”

E atraccion di Spierta! ta ser demostrá n’e echo cu ta imprimí rond di 20.300.000 ehemplar di cada edicion den 82 idioma. Lectornan ta gusta su punto di bista positivo. E pida “Pakico Spierta! Ta Ser Publicá,” cu ta sali den tur edicion, ta splica cu “e revista aki ta aumentá confiansa den e promesa dje Creador di un mundu nobo di pas i siguridad.”

Sin embargo, hopi hende ta puntra: ‘Di con Dios a permití sufrimentu pa asina tantu tempu?’ E pregunta ei ta ser contestá den e foyeto Dios Realmente Ta Interesá den Nos? Bo por haña un ehemplar dor di yena e cupon aki bou i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje foyeto Dios Realmente Ta Interesá den Nos?

□ Por fabor, tuma contacto cu mi pa un studio di Bijbel grátis na cas.