ଭାଗ ୭
ଯୀଶୁ କିଏ ଥିଲେ?
ଯିହୋବା ଯୀଶୁଙ୍କୁ ପୃଥିବୀକୁ ପଠାଇଲେ। ୧ ଯୋହନ ୪:୯
ଯଦି ଆମେ ଯିହୋବାଙ୍କୁ ଖୁସୀ କରିବାକୁ ଚାହୁଁ ତେବେ, ଅନ୍ୟଏକ ଗୁରୁତ୍ୱପୂର୍ଣ୍ଣ ବ୍ୟକ୍ତିଙ୍କ କଥା ଶୁଣିବା ଉଚିତ୍। ଆଦମଙ୍କ ସୃଷ୍ଟିର ବହୁ ବର୍ଷପୂର୍ବେ ଯିହୋବା ସ୍ୱର୍ଗରେ ଏକ ଶକ୍ତିଶାଳୀ ଆତ୍ମିକ ପ୍ରାଣୀଙ୍କୁ ସୃଷ୍ଟି କରିଥିଲେ।
ଯଥା ସମୟରେ, ଏହି ଆତ୍ମିକ ପ୍ରାଣୀଙ୍କୁ ଯିହୋବା ବେଥ୍ଲିହିମ ଗ୍ରାମର, ମରିୟମ ନାମକ ଜଣେ କୁମାରୀଙ୍କ ଗର୍ଭରେ ସ୍ଥାନାନ୍ତର କଲେ। ଏହି ପୁତ୍ରସନ୍ତାନଟିର ନାମ ଯୀଶୁ ରଖିଲେ।—ଯୋହନ ୬:୩୮.
ମନୁଷ୍ୟରୂପେ ଯୀଶୁ ପୃଥିବୀରେ ଥିବାବେଳେ ଯିହୋବାଙ୍କ ସମସ୍ତ ଗୁଣ ସମ୍ପୁର୍ଣ୍ଣରୂପେ ପ୍ରତିଫଳିତ କଲେ। ସେ ଜଣେ ପ୍ରେମମୟ, ନମ୍ର ଓ କୋମଳ ସ୍ୱଭାବର ଥିଲେ। ଯୀଶୁ ସାହସିକତାର ସହିତ ଯିହୋବାଙ୍କ ବିଷୟରେ ଲୋକମାନଙ୍କୁ ସତ୍ୟ ଶିକ୍ଷା ଦେଉଥିଲେ।
ଯୀଶୁ ଯଦ୍ୟପି ଭଲକାମ କରିଥିଲେ ତଥାପି ଲୋକ ତାହାଙ୍କୁ ଘୃଣା କଲେ। ୧ ପିତର ୨:୨୧-୨୪
ଯୀଶୁ ରୋଗୀଙ୍କୁ ସୁସ୍ଥକଲେ ଓ କେତେକ ମୃତଲୋକଙ୍କୁ ପୁଣି ଜୀବିତ କଲେ।
ଧର୍ମ ଗୁରୁମାନେ ତାହାଙ୍କୁ ଘୃଣା କରୁଥିଲେ। କାରଣ ସେ ସେମାନଙ୍କ ମିଥ୍ୟା ଶିକ୍ଷା ଓ ମନ୍ଦକାମ ବିଷୟରେ ଲୋକଙ୍କୁ ଖୋଲି କହି ଦେଉଥିଲେ।
ଏହି ଧର୍ମଗୁରୁମାନେ ଯୀଶୁଙ୍କୁ ଶାରୀରିକ ନିର୍ଯ୍ୟାତନା ଓ ଜୀବନରେ ମାରିଦେବାକୁ ରୋମୀୟମାନଙ୍କୁ ପ୍ରବର୍ତ୍ତାଇଲେ।