ବାଇବଲରେ ଥିବା ଘଟଣାଗୁଡ଼ିକୁ କଳ୍ପନା କରନ୍ତୁ

ବାଇବଲରେ ଅନେକ ସତ୍ୟ ଘଟଣାଗୁଡ଼ିକ ଦିଆଯାଇଛି, ଯେଉଁଥିରୁ ଆମେ ଅନେକ କଥା ଶିଖିପାରିବା । ଯଦି ଆମେ ସେହି ଘଟଣାଗୁଡ଼ିକୁ କଳ୍ପନା କରିବା, ତାହେଲେ ଆମେ ତାହାକୁ ଭଲଭାବେ ବୁଝିପାରିବା ଓ ଆମକୁ ସେଥିରୁ ଆହୁରି ଲାଭ ହେବ । ଆମେ ଏହା କିପରି କରିପାରିବା ?

• ଜୋର୍‌ରେ ପଢ଼ନ୍ତୁ । ଯେବେ ଆମେ ବାଇବଲର କୌଣସି ଘଟଣାକୁ ଜୋର୍‌ରେ ପଢ଼ୁ, ତେବେ ଆମେ ତାହାକୁ ଆହୁରି ଭଲଭାବେ କଳ୍ପନା କରିପାରୁ ଓ ବୁଝିପାରୁ ଯେ ସେଥିରେ କʼଣ କʼଣ ହେଉଛି । ନିଜ ପରିବାର ସହିତ ବାଇବଲ ପଢ଼ିବା ସମୟରେ ଆପଣ ପ୍ରତ୍ୟେକ ସଦସ୍ୟଙ୍କୁ ଗୋଟିଏ କିମ୍ବା ଦୁଇଟି ଚରିତ୍ର ଦେଇପାରିବା ଏବଂ ସେଗୁଡ଼ିକୁ ଭାବନାର ସହିତ ପଢ଼ିବା ପାଇଁ କହିପାରିବା । ଏପରି କଲେ ସେହି ଘଟଣାଟି ଆହୁରି ଅସଲ ହୋଇଯିବ ।

• କଳ୍ପନା କରନ୍ତୁ । ଭାବନ୍ତୁ ଯେ ସେହି ଘଟଣାରେ ଯେଉଁ ଚରିତ୍ର ବିଷୟରେ କୁହାଯାଇଛି, ସେ କେଉଁ ପରିସ୍ଥିତିରେ ଅଛି ଏବଂ କିପରି ଅନୁଭବ କରୁଛି । ଯେପରି ଏହି ପ୍ରଶ୍ନଗୁଡ଼ିକ ବିଷୟରେ ଭାବନ୍ତୁ, ‘ସେ କାହିଁକି ଏପରି କହିଲା କିମ୍ବା କାହିଁକି ଏପରି କଲା ? ଯଦି ମୁଁ ତାʼ ଜାଗାରେ ଥାʼନ୍ତି, ତାହେଲେ ମୁଁ କିପରି ଭାବନ୍ତି ଏବଂ ମୁଁ କʼଣ କରନ୍ତି ?’

• ଚିତ୍ର ଆଙ୍କନ୍ତୁ । ବାଇବଲର ଘଟଣାଗୁଡ଼ିକର ଚିତ୍ର ଆଙ୍କିଲେ ଆପଣ ସେହି ଘଟଣାଗୁଡ଼ିକୁ କଳ୍ପନା କରିପାରିବେ ଏବଂ ମନେ ରଖିପାରିବେ । ଏହାପାଇଁ ଆପଣଙ୍କୁ ବହୁତ ଭଲ ଚିତ୍ର ଆଙ୍କିବାର ଦରକାର ନାହିଁ, ଆପଣ ଗୋଟିଏ ସାଧାରଣ ଚିତ୍ର ବି ଆଙ୍କିପାରିବେ ।