ନିଜର ଭରସା ବଢ଼ାନ୍ତୁ ଯେ ଯିହୋବା ଆପଣଙ୍କୁ ସୁରକ୍ଷା ଦେବେ

ଗଣନା ପୁସ୍ତକ ୧୩:୨୫–୧୪:୪ ପଢ଼ନ୍ତୁ ଓ ବୁଝିବାକୁ ଚେଷ୍ଟା କରନ୍ତୁ ଯେ ଇସ୍ରାଏଲୀୟମାନେ କିପରି ଦେଖାଇଲେ ଯେ ତାଙ୍କୁ ଯିହୋବାଙ୍କ ଉପରେ ଭରସା ନାହିଁ ।

ଅଧିକ ଜାଣିବା ପାଇଁ ଆଖପାଖର ପଦଗୁଡ଼ିକୁ ପଢ଼ନ୍ତୁ । ମିଶରର ଦାସତ୍ୱରୁ ବାହାରିବା ପରେ ଇସ୍ରାଏଲୀୟମାନଙ୍କୁ କାହିଁକି ଏକଥା ଉପରେ ଭରସା କରିବାର ଥିଲା ଯେ ଯିହୋବା ସେମାନଙ୍କୁ ସୁରକ୍ଷା ଦେଇପାରିବେ ? (ଗୀତ. ୭୮:୧୨-୧୬, ୪୩-୫୩) ଯିହୋବାଙ୍କ ଉପରେ ସେମାନଙ୍କର ଭରସା କାହିଁକି କମ୍‌ ହେବାକୁ ଲାଗିଲା ? (ଦ୍ୱିବି. ୧:୨୬-୨୮) ଯିହୋଶୂୟ ଓ କାଲେବ କିପରି ଦେଖାଇଲେ ଯେ ସେମାନେ ଯିହୋବାଙ୍କ ଉପରେ ଭରସା କରନ୍ତି ?—ଗଣ. ୧୪:୬-୯.

ଗଭୀର ଭାବେ ଅନୁସନ୍ଧାନ କରନ୍ତୁ । ଇସ୍ରାଏଲୀୟମାନେ ଯିହୋବାଙ୍କ ଉପରେ ଭରସା ବଢ଼ାଇବା ପାଇଁ କʼଣ କରିପାରିଥାʼନ୍ତେ ? (ଗୀତ. ୯:୧୦; ୨୨:୪; ୭୮:୧୧) ଯିହୋବାଙ୍କ ଉପରେ ଭରସା କରିବା ଏବଂ ତାଙ୍କର ଆଦର କରିବା ମଧ୍ୟରେ କʼଣ ସମ୍ପର୍କ ରହିଛି ?—ଗଣ. ୧୪:୧୧.

ଭାବନ୍ତୁ ଯେ ଆପଣ କʼଣ ଶିଖିଲେ । ନିଜକୁ ପଚାରନ୍ତୁ:

• ‘କେଉଁ ଭଳି ପରିସ୍ଥିତିରେ ମୋ ପାଇଁ ଯିହୋବାଙ୍କ ଉପରେ ଭରସା କରିବା କଠିନ ହୋଇପାରେ ?’

• ‘ମୁଁ ଆଜି ଓ ଭବିଷ୍ୟତରେ ଯିହୋବାଙ୍କ ଉପରେ ଆହୁରି ଭରସା କରିବା ପାଇଁ କʼଣ କରିପାରିବି ?’

• ‘ମହାକ୍ଳେଶ ଆରମ୍ଭ ହେବା ପରେ ମୁଁ କେଉଁ କଥାର ଭରସା କରିପାରିବି ?’—ଲୂକ ୨୧:୨୫-୨୮.