ଅଭାବ ଅସୁବିଧା ସତ୍ତ୍ୱେ ହାର ନ ମାନିବା

ଆଜି ଆମେ ଶେଷକାଳରେ ବଞ୍ଚୁଛୁ ଏବଂ ଜୀବନ ଜୀଇଁବା ସହଜ ନୁହେଁ । ଶେଷକାଳ ଯେମିତି ପାଖେଇ ଆସୁଛି ସମସ୍ୟା ଆହୁରି ବଢ଼ିଯିବ । ଅନେକ ଥର ହୋଇପାରେ ଯେ ଆମକୁ ବହୁତ ଅଭାବ ଅସୁବିଧାର ସାମନା କରିବାକୁ ପଡ଼ିପାରେ । (ହବ ୩:୧୬-୧୮) ଏପରି ସମୟରେ ଆମେ ସାହସ କିପରି ଧରିପାରିବା ? ଆମକୁ ଯିହୋବାଙ୍କ ଉପରେ ଲଗାତାର ଭରସା କରିବାକୁ ହେବ । ସେ ପ୍ରତିଜ୍ଞା କରିଛନ୍ତି ଯେ ସେ ନିଜ ସେବକମାନଙ୍କ ଦେଖାଶୁଣା କରିବେ ଏବଂ ପରିସ୍ଥିତି ଯେପରି ଥିଲେ ମଧ୍ୟ ସେ ସେମାନଙ୍କ ଆବଶ୍ୟକତା ପୂରା କରିବେ ।—ଗୀତ ୩୭:୧୮, ୧୯; ଏବ୍ରୀ ୧୩:୫, ୬.

ଆପଣ କʼଣ କରିପାରିବେ ?

• ପ୍ରାର୍ଥନା କରନ୍ତୁ । ଯିହୋବାଙ୍କୁ ବୁଦ୍ଧି ଓ ସାହାଯ୍ୟ ପାଇଁ ଗୁହାରି କରନ୍ତୁ ।—ଗୀତ ୬୨:୮

• ଯାହା ମଧ୍ୟ କାମ ମିଳେ ତାହା କରିବା ପାଇଁ ପ୍ରସ୍ତୁତ ରହନ୍ତୁ, ଯଦିଓ ଆପଣ ସେହି କାମ ଆଗରୁ କରି ନାହାନ୍ତି ।—ସଜା-ହି ୪/୧୦ ପୃ ୩୦-୩୧ର ବକ୍ସ

• ଉପାସନା ସହ ଜଡ଼ିତ କାମରେ ଲାଗି ରହନ୍ତୁ । ପ୍ରତିଦିନ ବାଇବଲ ପଢ଼ନ୍ତୁ, ଲଗାତାର ସଭାକୁ ଯାʼନ୍ତୁ ଓ ପ୍ରଚାର କରନ୍ତୁ ।

ଏପରି ଘର ତିଆରି କରନ୍ତୁ ଯାହା ଭାଙ୍ଗିବ ନାହିଁ—‘ଆପଣଙ୍କ ପାଖରେ ଯାହା କିଛି ଅଛି, ସେଥିରେ ସନ୍ତୁଷ୍ଟ’ ରହନ୍ତୁ ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• କିଛି ପରିବାରକୁ କେଉଁ ସମସ୍ୟାଗୁଡ଼ିକର ସାମନା କରିବାକୁ ପଡ଼ିଛି ?

• ଆମେ ନିଜ ଜୀବନରେ କେଉଁ କଥାକୁ ସବୁଠାରୁ ଅଧିକ ମହତ୍ତ୍ୱ ଦେବା ଉଚିତ୍‌ ?

• ଆମେ ଏପରି ଭାଇଭଉଣୀମାନଙ୍କୁ କିପରି ସାହାଯ୍ୟ କରିପାରିବା ଯେଉଁମାନଙ୍କୁ ସାହାଯ୍ୟ ଦରକାର ?