Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo June 24, 2013 la anu. Bɛhile kenle mɔɔ bɛbazuzu edwɛkɛ biala anwo la amaa bɛahola bɛayɛ nwolɛ neɛnleanu wɔ mekɛ mɔɔ bɛlɛsiezie bɛ nwo bɛamaa sukulu ne dapɛne biala la.

1. Duzu a Gyisɛse edwɛkɛ ne mɔɔ bɛhɛlɛ ye wɔ Dwɔn 3:14, 15 kɛ: “Kɛmɔ Mosisi manle kɔbele ɛwɔlɛ ne zo wɔ baka zo wɔ ɛsɛlɛ ne anu la, zɔhane ala yɛɛ bɛbamaa Sonla Ra ne zo a” la kile a? [May 6, my ɛzukoalɛdeɛ 41 ɛden. 7]

2. Mekɛ boni a Kelaese ɛdoavolɛma banyia ngoane mɔɔ ɛnlɛ awieleɛ a? (Dwɔn 6:53) [May 13, w03-E 9/15 m. 31 ɛden. 3]

3. Kilehile kɛzi Gyisɛse lale ɔ Ze ali hilele alesama mɔɔ ɛnli munli la anu. (Dwɔn 8:28) [May 20, w11 5/1 m. 7 ɛden. 3]

4. Duzu a yɛsukoa yɛfi Gyisɛse ɛkɛ wɔ mekɛ mɔɔ ɔ gɔnwo Lazalɛse wule na ‘ɔzunle’ la anu a? (Dwɔn 11:35) [May 20, w08-E 5/1 m. 24 ɛden. 3-5]

5. Ɛzukoalɛdeɛ mɔɔ tɛla biala la boni a Gyisɛse hilele wɔ mekɛ mɔɔ ɔwowole ye ɛdoavolɛma agyakɛ anwo la ɛ? (Dwɔn 13:4, 5) [May 27, w99-E 3/1 m. 31 ɛden. 1]

6. Kɛ ɔkɛyɛ na Nyamenle sunsum ne ahilehile yɛ debie biala ɛ? (Dwɔn 14:26) [May 27,w11 12/1 m. 17 ɛden. 9]

7. Wɔ Dwɔn 21:15, duzu a “ɛhye mɔ” kile a, na boni a yɛsukoa yɛfi nu a? [June 3, w08-E 4/15 m. 32 ɛden. 11]

8. Kɛmɔ Gyima ne 2:44-47 nee Gyima ne 4:34, 35 kile la, subane boni a ɔwɔ kɛ Keleseɛnema bɔ mɔdenle sukoa a? [June 10, w08-E 5/15 m. 30 ɛden. 5]

9. Asoo ɛnee Sitivin ɛlɛsɛlɛ Gyisɛse kɛmɔ edwɛkɛ ne mɔɔ wɔ Gyima ne 7:59 kile la? [June 17, w08-E 5/15 m. 31 ɛden. 2]

10. Kɛ ɔkɛyɛ na yɛazukoa Baanabase neazo kɛnlɛma ne ɛ, na saa yɛyɛ zɔ a, duzu a bavi nu ara a? (Gyima ne 9:26, 27) [June 24, bt-E m. 65 ɛden. 19]